Tula Para Kay Karen

Sa bawat hagikhik, hatid niya ay saya,

Sa mga taong lugmok sa lungkot at problema,

Sa kanyang mga hirit, ikaw ay tatawa,

Ang kanyang mga payo, laking tulong sa tuwina.

Gandang kanyang taglay ay nakakahalina,

Sa umaga o gabi man, may ayos o wala.

Sadyang mala-anghel ang kanyang mukha

Sinong hindi mabibighani lalo kapag siya’y ngumiti na?

Talentong bigay sa kanya, kay sarap panoorin,

Ito man ay  pagsayaw, pagkanta o pag-akting,

Sabi nga ni Vice Ganda, “siya ay  interesting.”

“Walang hiya-hiya,” kay Sam Milby namang pansin.

Lakas na taglay niya ay nakakamangha,

Natatalo pa minsan mga lalaking kasama,

Determinasyon at dedikasyon, laging makikita

Sa anumang pagsubok na ibinibigay sa kanya.

Isang mabuting kaibigan sa bawat sandali,

Sasamahan ka sa iyong pagluha’t pagngiti.

Kaya naman, huwag ka nang mamangha.

Sa iyong makakaaway kapag siya ay binangga.

Karen, isa kang huwarang kabataan,

Lakas at tapang mo, dapat pamarisan

Ang iyong masayahing katangian,

Sana’y laging makita ng sambayanan.